CLAVDII CLAVDIANI
TORPEDO
C.M. 49 (46)
 

    Quis non indomitam dirae torpedinis artem

audiit et merito signatas nomine uires?   2 signatas O ] dignatas Jeep ||

illa quidem mollis segnique obnoxia tractu   3 mollis C : molli C, Heinsius | obnoxia tractu C : obnixa natatu C ||

reptat et adtritis uix languida serpit harenis.   4 fortasse adtritas . . . sulcat harenas ||
5   sed latus armauit gelido natura ueneno   5 gelido O ] geminum Birt ||

et frigus, quo cuncta rigent animata, medullis

miscuit et proprias hiemes per uiscera duxit.

naturam iuuat ipsa dolis et conscia sortis

utitur ingenio longeque extenta per algas
10   †attactu confisa suo [immobilis haeret] 10 suo O ] sibi Birt    lacunam supplet ex Oppiano C ||

qui tetigere iacent. successu laeta resurgit 11 fortasse secessu ||

et uiuos inpune ferox depascitur artus.

si quando uestita cibis incautior aera

hauserit et curuis frenari senserit hamis,
15   non fugit aut uano conatur uellere morsu, 15 fugit C : furit C ||

sed propius nigrae iungit se callida saetae

et meminit captiua sui longeque per undas

pigra uenenatis effundit flamina uenis.

per saetam uis atra meat fluctusque relinquit,     19 atra c : alta C : acta Wakefield ||
20   absentem uinctura uirum: metuendus ab imis 20 uinctura C : uictura C ||

emicat horror aquis et pendula fila secutus

transit harundineos arcano frigore nodos

uictricemque ligat concreto sanguine dextram.

damnosum piscator onus praedamque rebellem    
25   iactat et amissa redit exarmatus auena.
§