CLAVDII CLAVDIANI
IN SPHAERAM ARCHIMEDIS
C.M. 51 (58)
 
  Iuppiter in paruo cum cerneret aethera uitro,
      risit et ad superos talia dicta dedit:
  ‘hucine mortalis progressa potentia curae?
      iam meus in fragili luditur orbe labor? 4 fortasse clauditur ||
5   iura poli rerumque fidem legesque dierum 5 dierum Heinsius : deorum O ||
      ecce Syracosius transtulit arte senex.
  inclusus uariis famulatur spiritus astris
      et uiuum certis motibus urget opus.
  percurrit proprium mentitus Signifer annum, 9 properum Heinsius ||
  10       et simulata nouo Cynthia mense redit.
  iamque suum uoluens audax industria mundum        
      gaudet et humana sidera mente regit.
  quid falso insontem tonitru Salmonea miror?
      aemula naturae parua reperta manus.’
§